ILMIY MATNDA SUBYEKTIV MUNOSABAT IFODASI (INGLIZ VA O‘ZBEK TILLARI MISOLIDA)

Abstract

Ushbu maqolada ingliz va o‘zbek tillarida ilmiy matnda subyektiv munosabatning ifodalanish xususiyatlari lingvopragmatik jihatdan tahlil qilinadi. Ilmiy diskursning obyektivlik tamoyiliga zid bo‘lmagan holda muallifning shaxsiy pozitsiyasi, qarashlari va baholari qanday ifodalanishi masalasi ko‘rib chiqiladi. Ingliz tilidagi ilmiy matnlarda “hedging” va “boosting” strategiyalarining qo‘llanishi, o‘zbek tilida esa modallik vositalari, baholovchi birliklar va shaxsiy ishtirokni bildiruvchi iboralar orqali subyektivlikning namoyon bo‘lishi tahlil etiladi. Qiyosiy yondashuv orqali har ikki tilga xos pragmatik va stilistik vositalar ko‘rsatilib, ilmiy nutqda subyektiv munosabatning ahamiyati yoritiladi.