MINI TRAKTOR SHASSISINING MATEMATIK VA MEXANIK TAHLILI
Keywords:
mini traktor, shassis, matematik modellashtirish, mexanik tahlil, FEM, dinamik tahlil, modalli tahlil, barqarorlik, tebranish, qishloq xo‘jaligi texnikasiAbstract
Mazkur tadqiqot mini traktor shassisining matematik va mexanik xatti-harakatlarini tahlil qilishga bag‘ishlangan. Tadqiqotda shassis konstruktsiyasining statik va dinamik holatlari matematik modellashtirish va sonli hisoblash usullari yordamida baholandi. Harakat tenglamalari Nyuton–Eyler va Lagrange yondashuvlari asosida tuzildi, shassis elementlarining kuchlanish va deformatsiya holatlari esa Finite Element Method (FEM) orqali aniqlandi. Modalli va dinamik tahlillar shassisning tabiiy tebranish chastotalari hamda barqarorlik chegaralarini baholash imkonini berdi. Olingan natijalar g‘ildirak tayanchlarida kuchlanishlarning yuqori ekanini, yuklanish ortishi bilan tabiiy tebranish chastotalarining pasayishini ko‘rsatdi. Tadqiqot natijalari mini traktor shassisini optimallashtirish, konstruktiv ishonchlilikni oshirish va ekspluatatsion xavfsizlikni ta’minlash uchun ilmiy-amaliy asos bo‘lib xizmat qiladi.
