O‘PKA ARTERIYASI TROMBOEMBOLIYASINI ERTA ANIQLASH VA TEZKOR TROMBOLIZISNING SAMARASI

Abstract

O‘pka arteriyasi tromboemboliyasi (OATE) — yurak-qon tomir tizimi kasalliklari orasida o‘lim darajasi yuqori bo‘lgan, to‘satdan rivojlanadigan og‘ir patologiyadir. Ushbu kasallikning erta bosqichda aniqlanishi va vaqtida o‘tkazilgan trombolitik terapiya bemor hayotini saqlab qolishda muhim ahamiyat kasb etadi. Ushbu maqolada OATEning klinik belgilari, diagnostika mezonlari, kompyuter tomografiyasi va laborator ko‘rsatkichlar asosidagi erta tashxis qo‘yish imkoniyatlari, shuningdek, tezkor trombolizisning samaradorligi klinik misollar asosida yoritib berilgan. Trombolitik davolashning vaqti, dozasi, qo‘llanilish usullari va mumkin bo‘lgan xavflar ham tahlil qilingan.