O‘ZBEKISTONDA SHISHA CHIQINDILARIDAN QURILISH MATERIALLARI OLISH IMKONIYATLARI
Keywords:
shisha chiqindisi, qayta ishlash, ko‘pikli shisha, qurilish materiallari.Abstract
Ushbu maqolada O‘zbekiston hududida hosil bo‘layotgan shisha chiqindilari miqdori va ularning qayta ishlanish darajasi tahlil qilinadi. Rasmiy statistikaga ko‘ra, mamlakatda har yili taxminan 408 ming tonna shisha chiqindisi yuzaga keladi, biroq shundan atigi 9 foizi, ya’ni 37 ming tonnaga yaqini qayta ishlanmoqda. Bu holat mavjud resurslarning yetarlicha samarali ishlatilmayotganini ko‘rsatadi. Maqolada shisha chiqindilarining ekologik va iqtisodiy ahamiyati, ularni qayta ishlash orqali yangi mahsulot – ko‘pikli shisha asosidagi qurilish materiallari olish imkoniyatlari yoritildi. Maqolaning asosiy maqsadi shisha chiqindisidan foydalanishni kengaytirish orqali chiqindilarni kamaytirish, resurslarni tejash va barqaror sanoat rivojlanishiga hissa qo‘shishdir.