INGLIZ VA O‘ZBEK TILLARIDA KONSEPTUAL METAFORALARNING MILLIY-MADANIY XUSUSIYATLARI

Abstract

Mazkur tezis ingliz va o‘zbek tillaridagi konseptual metaforalarning milliy-madaniy xususiyatlarini qiyosiy jihatdan o‘rganishga bag‘ishlangan. Konseptual metafora insonning mavhum tushunchalarni anglash va ifodalash jarayonida muhim kognitiv vosita sifatida qaraladi. Tadqiqotda ingliz va o‘zbek tillarida uchraydigan metaforik birliklarning milliy mentalitet, madaniy qadriyatlar va dunyoqarash bilan bog‘liqligi tahlil qilinadi. Ingliz tilidagi metaforalarda urush, sport, texnologiya va moliya kabi sohalarga oid manba domenlarining nisbatan faol qo‘llanishi, o‘zbek tilida esa tabiat, oila, jamoa va an’anaviy hayot bilan bog‘liq obrazlarning muhimligi ko‘rsatib beriladi.