KIBERJINOYATLARNI ANIQLASH VA TERGOV QILISHDA XALQARO HUQUQIY HAMKORLIKNING AHAMIYATI

Abstract

Ushbu tezisda kiberjinoyatlarni aniqlash va tergov qilish jarayonida xalqaro huquqiy hamkorlikning o‘rni hamda ahamiyati tahlil qilinadi. Kiberjinoyatlarning transmilliy xususiyati, jinoyat sodir etuvchi shaxs, jabrlanuvchi, server, elektron platforma va moliyaviy operatsiyalar turli davlatlar hududida joylashishi mumkinligi bunday jinoyatlarni faqat milliy vositalar orqali samarali tergov qilishni murakkablashtiradi. Shu sababli davlatlar o‘rtasida tezkor axborot almashinuvi, o‘zaro huquqiy yordam, elektron dalillarni saqlash va taqdim etish, gumon qilinuvchi shaxslarni aniqlash hamda ekstraditsiya masalalarida samarali hamkorlik zarurati ortib bormoqda.