BOSHLANG‘ICH TA’LIMDA RAQAMLI TEXNOLOGIYALARDAN OQILONA FOYDALANISH: MOBIL QURILMALAR ORQALI O‘QUV SAMARADORLIGINI OSHIRISH
Keywords:
raqamli pedagogika, mobil ta’lim, boshlang‘ich ta’lim, o‘quv samaradorligi, interaktiv metodlar, innovatsion ta’lim.Abstract
Mazkur tadqiqot ishida boshlang‘ich ta’lim tizimida raqamli texnologiyalar, xususan mobil qurilmalar orqali o‘quv jarayonini tashkil etishning pedagogik samaradorligi chuqur tahlil qilinadi. Zamonaviy ta’lim tizimining raqamli transformatsiyasi sharoitida o‘quvchilarning bilim olish faoliyatini faollashtirish, ularning mustaqil fikrlash qobiliyatlarini rivojlantirish va o‘quv jarayonini individuallashtirish muhim ilmiy-amaliy ahamiyat kasb etadi.
Tadqiqotda mobil ta’lim konsepsiyasi doirasida o‘quvchilarning kognitiv faolligi, motivatsiyasi hamda bilimlarni o‘zlashtirish darajasi o‘rganildi. Ilmiy izlanishlar natijasida mobil qurilmalar yordamida tashkil etilgan ta’lim jarayoni an’anaviy usullarga nisbatan samaraliroq ekanligi aniqlandi. Shu bilan birga, texnologiyalardan noto‘g‘ri foydalanish ehtimoli va uning salbiy oqibatlari ham aniqlanib, ularni bartaraf etish bo‘yicha ilmiy asoslangan tavsiyalar ishlab chiqildi.
