O‘ZBEKISTONDA MAKTABGACHA TA’LIM TIZIMIDA STEAM ELEMENTLARINI JORIY ETISH HOLATI VA MUAMMOLARI.

Abstract

Mazkur tezisda O‘zbekistonda maktabgacha ta’lim tizimiga STEAM (Science, Technology, Engineering, Art, Mathematics) elementlarini joriy etishning bugungi holati, amalga oshirilayotgan islohotlar hamda mavjud muammolar tahlil qilinadi. Tadqiqotda STEAM yondashuvining bolalarning ijodiy fikrlashi, mantiqiy tafakkuri va amaliy ko‘nikmalarini rivojlantirishdagi ahamiyati yoritilgan. Shuningdek, pedagoglarning malakasi, metodik ta’minot, moddiy-texnik baza va zamonaviy ta’lim texnologiyalaridan foydalanish bilan bog‘liq muammolar ko‘rib chiqiladi. Tezisda maktabgacha ta’lim muassasalarida STEAM ta’limini samarali tashkil etish bo‘yicha taklif va tavsiyalar berilgan.