XORAZM VILOYATIDA QALQONSIMON BEZ O‘CHOQLI O‘ZGARISHLARINING TARQALISHINI ANIQLASHDA ULTRATOVUSH TEKSHIRUVI IMKONIYATLARI

Abstract

Maqolada Xorazm viloyati aholisi orasida qalqonsimon bez o‘choqli o‘zgarishlarining tarqalish darajasi hamda ularni aniqlashda ultratovush tekshiruvining diagnostik imkoniyatlari o‘rganilgan. Tadqiqot davomida turli yosh guruhlariga mansub bemorlarda qalqonsimon bez ultrasonografiyasi o‘tkazilib, bezning hajmi, tuzilishi, echogenligi hamda tugunli yoki kistoz o‘zgarishlar mavjudligi baholandi. Olingan natijalar ultratovush tekshiruvi qalqonsimon bez o‘choqli o‘zgarishlarini erta aniqlashda yuqori informativlikka ega ekanligini ko‘rsatdi. Mazkur usul yordamida patologik o‘zgarishlarning morfologik xususiyatlarini aniqlash, ularning soni, o‘lchami va joylashuvini baholash mumkinligi aniqlandi.