TUG‘MA NUQSONLARNI ERTA ANIQLASHDA PERINATAL SKRININGNING DIAGNOSTIK AHAMIYATI VA SAMARADORLIGI
Keywords:
perinatal skrining, prenatal diagnostika, tug‘ma nuqsonlar, erta aniqlash, ultratovush tekshiruvi, NIPT, ona va bola salomatligi.Abstract
Mazkur tezisda tug‘ma nuqsonlarni erta aniqlashda perinatal skriningning diagnostik ahamiyati va samaradorligi tahlil qilinadi. Tadqiqotning maqsadi prenatal va perinatal skrining usullarining homila rivojlanishidagi patologiyalarni aniqlashdagi o‘rnini aniqlash hamda ularning amaliy natijadorligini baholashdan iborat. Tezisda ultratovush tekshiruvi, biokimyoviy markerlar va noinvaziv prenatal test (NIPT) kabi zamonaviy diagnostika usullarining imkoniyatlari ko‘rib chiqiladi. Tahlillar shuni ko‘rsatadiki, ushbu usullar yordamida xromosoma anomaliyalari, nerv naychasi nuqsonlari va yurak patologiyalarini erta bosqichda aniqlash mumkin. Bu esa perinatal o‘lim darajasini kamaytirish va tug‘ma nuqsonlar bilan bog‘liq asoratlarning oldini olishda muhim ahamiyat kasb etadi.
Natijalar perinatal skriningning samaradorligi uning qamrovi, texnologik ta’minoti va malakali mutaxassislar mavjudligiga bevosita bog‘liqligini ko‘rsatadi. Shu bilan birga, aholining xabardorlik darajasi va sog‘liqni saqlash tizimidagi tashkiliy omillar ham muhim rol o‘ynaydi.
