OROLBO‘YI HUDUDIDA O‘RMONLARNI QAYTA TIKLASH FAOLIYATINING HUQUQIY JIHATDAN TARTIBGA SOLINISHI.

Abstract

Ushbu maqolada Orolbo‘yi hududida o‘rmonlarni qayta tiklash jarayonining huquqiy asoslari, davlat siyosati, milliy va xalqaro dasturlar hamda ularning ekologik ahamiyati kompleks yondashuv asosida tahlil qilinadi. Tadqiqotning dolzarbligi Orol dengizi ekologik inqirozi oqibatida yuzaga kelgan global muammolar, xususan, cho‘llanish jarayonining kuchayishi, tuproq degradatsiyasi hamda bioxilma-xillikning qisqarishi bilan izohlanadi. Maqolada O‘zbekiston Respublikasining ekologik siyosati doirasida o‘rmonlarni qayta tiklashga yo‘naltirilgan normativ-huquqiy hujjatlar, jumladan, o‘rmon fondini muhofaza qilish, uni tiklash va undan oqilona foydalanishni tartibga soluvchi qonunchilik hamda davlat dasturlari tizimli ravishda tahlil etilgan.