DAVLAT BUDJETI IJROSIDA JAMOATCHILIK NAZORATINI KUCHAYTIRISHNING MOLIYAVIY SHAFFOFLIKNI OSHIRISHDAGI AHAMIYATI
Keywords:
davlat budjeti, budjet ijrosi, jamoatchilik nazorati, moliyaviy shaffoflik, ochiq budjet, davlat moliyasi.Abstract
Mazkur tezisda davlat budjeti ijrosida jamoatchilik nazoratini kuchaytirish masalalari hamda uning moliyaviy shaffoflikni ta’minlashdagi o‘rni kompleks tarzda tadqiq etilgan. Tadqiqot jarayonida davlat budjeti ijrosining nazariy asoslari, budjet mablag‘laridan foydalanish samaradorligini oshirishga ta’sir etuvchi omillar va jamoatchilik nazoratining institutsional mexanizmlari tahlil qilinadi.
Maqolada jamoatchilik nazoratining asosiy shakllari — ochiq budjet platformalari, jamoatchilik muhokamalari, fuqarolarning murojaatlari hamda ommaviy axborot vositalarining budjet ijrosidagi roli atroflicha yoritiladi. Shuningdek, jamoatchilik nazoratining kuchaytirilishi orqali davlat moliya boshqaruvida ochiqlik va hisobdorlikni ta’minlash, korrupsion holatlarning oldini olish hamda budjet mablag‘laridan maqsadli va samarali foydalanish imkoniyatlari baholanadi.
Tadqiqot natijalari shuni ko‘rsatadiki, davlat budjeti ijrosida jamoatchilik nazoratining samarali tashkil etilishi moliyaviy intizomni mustahkamlash, davlat organlari faoliyatiga nisbatan jamoatchilik ishonchini oshirish va fuqarolarning davlat moliyasini boshqarish jarayonidagi ishtirokini kengaytirishda muhim ahamiyat kasb etadi. Maqolada davlat budjeti ijrosida jamoatchilik nazoratini yanada rivojlantirish bo‘yicha ilmiy-amaliy taklif va tavsiyalar ishlab chiqilgan.
