UCH O‘LCHOVLI TO‘LQIN TENGLAMASI UCHUN TO‘G‘RI VA TESKARI MASALALAR: NAZARIY TAHLIL VA O‘ZBEKISTON SHAROITIDAGI AMALIY TADBIQLAR

Abstract

Mazkur maqolada uch o‘lchovli to‘lqin tenglamasi uchun to‘g‘ri va teskari masalalarning matematik mohiyati, ularning nazariy asoslari hamda amaliy qo‘llanilishi chuqur tahlil qilinadi. To‘g‘ri masala to‘lqin jarayonlarini berilgan boshlang‘ich va chegara shartlar asosida aniqlashga qaratilgan bo‘lsa, teskari masala kuzatuv natijalari orqali noma’lum parametrlarni tiklashni maqsad qiladi. Tadqiqotda teskari masalalarning noturg‘unligi, barqarorlashtirish usullari va ularning hisoblash algoritmlaridagi o‘rni ko‘rsatib berilgan. Shuningdek, O‘zbekiston sharoitida seysmik monitoring, yer osti infratuzilmasi va sanoat obyektlarini nazorat qilishda to‘lqin tenglamasiga asoslangan modellar ahamiyati yoritilgan.