INGLIZ TILIDA HARAKAT TARZI FE’LLARINING SEMANTIK GURUHLANISHI.

Abstract

Ushbu maqolada ingliz tili fe’l sistemasidagi shaxsli shakllarning semantik tahlili va harakat tarzi (aktionsart) kategoriyasining oʻziga xos xususiyatlari tadqiq etiladi. Maqolada predikat semantikasini tasniflashda Z. Vendler va G. Verkyul kabi tilshunoslarning klassifikatsiyalari koʻrib chiqilgan. Shuningdek, harakatning davomiyligi, chegaralanganligi, natijaviyligi hamda fe'lning kontekstual ta'sir ostida bir semantik guruhdan boshqasiga oʻtishi tahlil qilingan. Zamon va harakat tarzi kategoriyalari oʻrtasidagi oʻzaro bogʻliqlik va farqlar misollar yordamida yoritib berilgan.