SANOAT KORXONALARIDA RAQAMLI METROLOGIYA JORIY ETILISHINING MAHSULOT SIFATI VA EKSPORT SALOHIYATIGA TA’SIRI

Abstract

Mazkur maqolada sanoat korxonalarida raqamli metrologiya tizimlarini joriy etishning mahsulot sifati barqarorligi va eksport salohiyatiga ko‘rsatadigan ta’siri ilmiy-uslubiy jihatdan tahlil qilinadi. Tadqiqotda an’anaviy metrologik ta’minot va raqamlashtirilgan o‘lchash tizimlari o‘rtasidagi farqlar ochib berilib, raqamli metrologiyaning sifat ko‘rsatkichlari aniqligi, o‘lchash natijalarining ishonchliligi hamda xalqaro standartlarga muvofiqlikni ta’minlashdagi roli asoslab beriladi. Muallif tomonidan raqamli metrologiya darajasini baholash uchun taklif etilgan ko‘rsatkichlar tizimi sanoat korxonalarining eksportga tayyorgarlik darajasini aniqlash imkonini beradi.