MIRZO ULUG'BEK DAVRIDA ILM-FAN RIVOJI

Abstract

Har bir xalqning ma'naviy qiyofasini uning tarixi, milliy salohiyati, urf-odat va an'analari belgilaydi. Sharq va G'arbni o'zaro bog'lagan, Buyuk ipak yo'lidagi turli sivilizatsiyalar tutashadigan muhim chorraha sanalgan qadim va betakror yurtimiz, azaldan olimu ulamolari, fozilu fuzalolari, shoiru shuarolari bilan dovruq qozongan. Buyuk bobolarimiz tafakkuri va dahosi mahsuli bo'lmish minglab asarlar, tarix, adabiyot, san'at, siyosat, axloq. falsafa, tibbiyot, matematika, kimyo, astronomiya, me'morlik, dehqonchilik va boshqa sohalarga oid noyob qo'lyozmalar bizning bebaho ma'naviy boyligimizdir. Yurtboshimiz ta 'biri bilan aytganda, bunday boy merosga ega bo'lgan xalq dunyoda kamdan-kam topiladi.