ФЛЕГМОНА ВА АБСЦЕССЛАРНИ ЭНДОСКОПИК ДРЕНАЖ ҚИЛИШ: ЗАМОНАВИЙ МИНИМАЛ ИНВАЗИВ ЁНДАШУВНИНГ КЛИНИК АФЗАЛЛИКЛАРИ
Keywords:
эндоскопик дренаж, юз-жақ инфекциялари, флегмона, абсцесс, минимал инвазив хирургия, визуализация, реконструктив жарроҳликAbstract
Ушбу мақолада юз-жақ соҳасидаги флегмона ва абсцессларни даволашда эндоскопик минимал инвазив дренаж технологияларининг ўрни ва самарадорлиги бўйича 2010–2024 йиллардаги илмий адабиётлар таҳлил қилинди. Таҳлил PubMed, Scopus, Elsevier ва Google Scholar базалари орқали танланган 78 та клиник тадқиқот асосида амалга оширилди. Эндоскопик дренажнинг анъанавий кенг кесимли операцияларга нисбатан бир қатор устунликлари, жумладан визуал назоратнинг юқорилиги, тўқима травматизациясининг камлиги, косметик натижанинг яхшиланиши ва реабилитация муддатининг қисқариши қайд этилди. Мета-таҳлиллар эндоскопик дренажда патологик экссудатнинг тўлиқ дренажланиш даражаси 94–98% ни ташкил қилишини, қайта абсцесс ривожланишининг 38–55% га камайишини кўрсатган. Шу билан бирга, катта ҳажмли ёки некрозли флегмонларда эндоскопик усулнинг чекловлари мавжудлиги таъкидланди. Таҳлил натижаларига кўра, эндоскопик дренаж юз-жақ инфекцияларини даволашда самарали, косметик жиҳатдан афзал ва хавфсиз ёндашув сифатида тавсия этилади.
