JAZ MUSIQASIDA BAS GITARANING SINKOPALI AKKORDLAR IJROCHILIGIDAGI OʻRNI

Abstract

Ushbu maqolada jaz musiqasi tizimida bas gitaraning sinkopali akkordlar fonidagi badiiy va funksional oʻrni chuqur tahlil qilinadi. Bas gitara jazz ansamblida nafaqat metr-ritmik barqarorlikni taʼminlovchi poydevor cholgʻu, balki sinkopa, off-beat va anticipation kabi ritmik hodisalar bilan uygʻunlashgan holda garmonik yoʻnalish, dramatik zoʻriqish va ichki “groove”ni boshqaruvchi faol ijrochilik subʼekti sifatida koʻrib chiqiladi. Maqolada walking bass fenomeni, sinkopali akkordlar ustida barqaror yoki maqsadli siljiydigan bas chizigʻining roli, barabanlar, klavishlar va gitaraning akkord strukturalari bilan oʻzaro taʼsiri, improvizatsion jarayonda bas partiyasining yetakchi va hamkorlik funksiyalari ilmiy-amaliy nuqtai nazardan yoritiladi. Shuningdek, sinkopali ritm va murakkab akkordlar sharoitida bas gitarachi uchun zarur boʻlgan garmonik savodxonlik, ritm hissi, stilni sezish, ansambl madaniyati va ijodiy masʼuliyat talablari asoslab beriladi. Maqola jazz ijrochiligi, ansambl texnikasi va musiqiy taʼlim uchun metodik tavsiyalar bilan boyitilgan